Tre punonjësit e vrarë shpallen “Nderi i Bashkisë Mat”

Tre punonjësit e vrarë nga Kujtim Koxha janë shpallur “Nderi i Bashkisë së Matit”. Vendimi u dha nga Këshilli Bashkiak, që vendosi gjithashtu uljen në gjysmështizë të flamurit bashkiak.

Këshilli i Bashkisë së Matit u mblodh urgjentisht pasditen e sotme pas krimit të rëndë që tronditi qytetin. Tre punonjës të Bashkisë, në krye të detyrës për shtrimin e një rruge në fshatin Shëlli, u qëlluan për vdekje me kallashnikov nga banori Kujtim Koxha pas një debati që patën mes tyre.

Punonjësit që u vranë janë Mentor Hoxha, Erzen Aliaj dhe Hamit Buci, ndërsa u plagos Astrit Hani.

Postime te ngjashme